МЕПСО му платил 9 милиони евра на ТЕЦ Неготино, но тие не се вклучиле кога било најпотребно
Државниот завод за ревизија во својот последен извештај утврди дека операторот за пренос на електрична енергија МЕПСО и исплатил на термоелектраната ТЕЦ Неготино сума од 9 милиони евра за да биде подготвена за работа во секое време, но таа не се вклучила кога е најпотребно – во екот на енергетската криза.
АД МЕПСО во периодот од 2019 до 2021 има склучено договор со ТЕЦ Неготино кој се однесува за обезбедување на електрична енергија во случај на загрозување на сигурноста во снабдувањето, хаварии или поголеми отстапувања на потрошувачката од предвидените количини. Предвидено е АД ТЕЦ Неготино да ја чува расположливата моќност на термоцентралата само за потребите на АД МЕПСО, за кој период се исплатени 531.998.000 денари, од кои 219.778.000 се исплатени во 2021 година.
Иако финансиски била помогната термоцентралата, при појавата на енергетската криза во октомври 2021, не е извршено нејзино активирање за производство на електрична енергија, констатира ДЗР. До крајот на минатата година, односно до крајот на декември од МЕПСО од овие 68 милиони евра, останале ненаплатени повеќе од 14 милиони евра.
За директорот на Државниот завод за ревизија, Максим Ацевски, токму за овие ненаплатени 14 милиони евра треба некој да сноси одговорност, а за тоа побара активно да се вклучат надлежните иституции.
Ова е една од причините што АД ЕСМ и трговците преку МЕПСО посегнале по повлекување на електрична енергија од европскиот систем во висина од 68 милиони евра во овој период.
Во прашање се загубени 14 милиони евра за недозволени отстапувања при влечење на струја од електроенергетскиот систем на ЕУ.
ДЗР ги има сите докази, но не може инспектор од МВР во овој случај да биде покомпетентен од ревизор на ДЗР, рече главниот државен ревизор Максим Ацевски при презентацијата на извештајот.
А.К.
