НОВО НАМАЛУВАЊЕ НА ЦЕНИТЕ НА ГОРИВАТА – Полнете бензин по полноќ
Регулаторната комисија за енергетика донесе нова одлука со која се врши намалување на малопродажните цени на нафтените деривати во просек за 0,92 отсто во однос на одлуката од 5.5.2023 година.
– Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 1,392 проценти, кај дизелот за 0,874 отсто, кај екстра лесното масло за 0,827 проценти и кај мазутот намалувањето е за 1,482 отсто. Курсот на денарот во однос на доларот во изминатиот период по кој беа формирани цените со претходната пресметка е понизок за 0,05 проценти – се наведува во објаснувањето на РКЕ.
Со новата одлука малопродажната цена на бензинот Еуросупер БС-95 се намалува за 1,00 денар за литар, додека малопродажните цени на бензинот Еуросупер БС-98, како и на Еуродизел (Д-Е V) и на Екстра лесното масло за домаќинство на (ЕЛ-1) се намалуваат за 0,50 денари за литар.
Малопродажната цена на Мазутот М-1 НС се намалува за 0,465 денари за килограм и сега ќе изнесува 39,155 денари за килограм.
По полноќ максималните цени на нафтените деривати ќе изнесуваат:
Моторен бензин Еуросупер БС – 95 77,00 (денари/литар)
Моторен бензин Еуросупер БС – 98 79,50 (денари/литар)
Дизел гориво Еуродизел БС (Д-Е V) 66,50 (денари/литар)
Масло за горење Екстра лесно 1 (ЕЛ-1) 65,50 (денари/литар)
Мазут М-1 НС 39,155 (денари/килограм).
