Новата суперѕвезда на Реал потпиша бизарен „љубовен договор“ со својата девојка, ова се деталите

ВО ДЕКЕМВРИ 2022 година Реал на бразилскиот Палмеирас му плати дури 37 милиони евра за тогаш 16-годишниот напаѓач Ендрик. Мадрид плати 37 милиони евра фиксни, а уште 23 милиони ќе стигнат до бразилскиот клуб преку различни остварливи бонуси. Бидејќи според правилата на шпанскиот фудбал, младиот човек не може да игра за Реал додека не наполни полнолетство, летово ќе го носи дресот на Кралскиот клуб.

За Ендрик веќе извесно време се пишува како следната фудбалска суперѕвезда, но многу се пишува и за него поради врската со Габриела Миранда (21), бразилска манекенка и инфлуенсерка. Сега, Ендрик се појави на подкастот Pod Delas и откри дека потпишал „љубовен договор“ со Миранда. Според него, Миранда инсистирал на договорот откако биле во врска само половина година.

Ова се деталите

Договорот предвидува „важноста на меѓусебното почитување и изразување љубов“. „Зависно однесување“ е забрането, а не се дозволени ниту драстични промени во однесувањето, а двете страни се обврзаа дека ќе си кажат „те сакам“ секогаш кога е можно.

Исто така, забрането е користење на одредени зборови во меѓусебната комуникација, најмногу пцовки, а казната за прекршување на кој било дел од договорот се изрекува на крајот на месецот и е финансиска или во вид на подарок. Покрај тоа, и двајцата се обврзаа на „емоционална ексклузивност“, што значи дека не можат да бидат романтично поврзани ниту со бившиот партнер, ниту со трета страна, сè додека се во врска еден со друг.

Исто така, расправиите во јавноста се строго забранети. Според договорот, за овие прекршоци важат истите казни како и за претходните. “На крајот на месецот добиваме парична казна ако не го испочитуваме договорот. Еднаш побарав слушалки од Apple и таа ми ги даде”, рекол Ендрик.