Нова надеж за пациентите со Алцхајмерова болест: Два нови лекови
Два нови лекови за Алцхајмерова болест што ќе бидат одобрени во Велика Британија се првите кои ја третираат причината за болеста и треба директно да го подобрат животот на пациентите со деменција, бидејќи тие се развиени за да ја забават болеста, објави Гардијан.
Луѓето во Британија би можеле да ги видат придобивките од клучниот медицински пробив следната година, пишува весникот.
Првиот од овие лекови – lekanemab – неодамна беше одобрен во САД и Јапонија и веќе е вклучен во третманот на пациенти со деменција. Наскоро во тие земји се очекува да биде одобрен вториот лек – донанемаб, а следната година се очекува двата лека да бидат одобрени за употреба во Британија.
Тоа предизвикува надеж дека научниците ќе се приближат до начини директно да се справат со зголемувањето на бројот на пациенти со деменција во Британија, каде што околу еден милион луѓе се погодени од оваа болест.
Бројот на луѓе со деменција во Британија се очекува да се зголеми на околу 1,7 милиони до 2040 година.
Во Англија и Велс минатата година од деменција починале 66.000 луѓе, а оваа болест во моментов е водечка причина за смрт во Британија, односно во две третини од случаите.
Досега, лекарите можеа да препишуваат само лекови за да им помогнат на пациентите да се справат со симптомите на деменција, така што доаѓањето на првите лекови кои ја третираат вистинската причина за состојбата е добредојдено, иако експертите предупредија дека нивната употреба треба да се пристапи со претпазливост.
„Новите лекови го забавуваат развојот на Алцхајмеровата болест за шест месеци до една година и се корисни само за оние кои се во рана фаза на болеста, така што тие секако не се чудотворни лекови“, вели Дејвид Томас, раководител на истражувањето за Алцхајмерова болест во Британија.
Алцхајмеровата болест е предизвикана од акумулацијата на амилоид протеин во мозокот, иако симптомите може да не се појават со децении откако ќе започне акумулацијата на протеинот.
