Нова Алтернатива: Ниту вчера на Мицкоски не му успеа да го блокира градот
Од Нова Алтернатива велат дека по кој знае кој пат се поразени деструктивните политики на Христијан Мицкоски, политики кои креираат хаос, политики кои оставија повеќе од илјада вработени во ЈСП и нивните семејства без плата.
„Ниту вчера на Мицкоски не му успеа да го блокира градот, да ги остави граѓаните без градски превоз, а вработените во ЈСП без парче леб. Заврши времето на политичари кои ги подриваат темелите на институциите, а со тоа и на државата.
Мицкоски по кој знае кој пат покажа дека е класичен политикант кој единствено го интересира бројката на анкетите и ништо друго. За негова жал, а за среќа на македонските граѓани тој во јавноста го покажа вистинското лице, цела Македонија вчера виде дека Мицкоски е подготвен на се само за да им наштети на своите политички неистомисленици, макар оставил луѓе без леб, а граѓаните без градски превоз. Сепак на крајот си наштети единствено на самиот себе на својот личен рејтинг и легитимитет.
Нова Алтернатива нуди нова генерација на политичари, нови луѓе кои го ставаат интересот на граѓаните пред својот личен интерес, интересот на државата пред политичкиот интерес. Нова Алтернатива е предвесникот на промените, вчера градоначалничката на Град Скопје и претседател на Нова Алтернатива, Данела Арсовска ги порази истрошените и корумпирани политички елити, а вчерашните настани се само почеток, следуваат уште многу порази за корумпираните политички елити се до финалното соочување на 8-ми мај“, порачуваат од партијата
