НОВ СКОК: Цената на златото урива рекорди
Цената на златото руши рекорди и за прв пат е над 2.100 долари. Во 12:24 часот по средноевропско време златото поскапе за 2,19 отсто , а се продаваше за 2.114,40. долари за унца. Потоа, цената продолжи со остриот раст и достигна 2.134,43 долари.
Златото денеска ја надмина цената што ја имаше во мај 2023 година од 2.079,08 долари за унца.
Иако претседателот на ФЕД Џером Пауел повтори дека американската централна банка е подготвена повторно да реагира и да ја заостри монетарната политика доколку е потребно, тој ја увери јавноста дека ФЕД ќе го стори тоа претпазливо, затоа што „ризикот од премногу или премалку затегнување станува избалансиран“, пренесува Телетрејдер.
И минатиот месец златото имаше цена над 2.000 долари за унца.
