Нов извештај на Пентагон за НЛО – што откри документот?
Зголемувањето на видувањата на неидентификувани летечки објекти во 1960-тите веројатно е предизвикано од тестовите на напредни американски шпионски авиони и вселенска технологија, се заклучува во извештајот на Пентагон.
Наодите, претставени во извештајот до Конгресот, исто така велат дека „нема докази“ дека американската влада имала какви било интеракции со вонземјани.
Според официјалните лица кои го подготвиле извештајот, тоа нема да го смири верувањето дека Земјата ја посетиле вонземјани.
Портпаролот на Пентагон рече дека властите му пристапиле на извештајот со отворен ум, но едноставно не пронашле докази за вонземски посетители, пренесе Би-Би-Си.
„Сите истражни напори, на сите нивоа на класификација, заклучија дека повеќето забележани се обични предмети и феномени и се резултат на погрешна идентификација“, изјави за новинарите генерал-мајор Пат Рајдер.
