НЕВРЕМЕ ВО АВСТРАЛИЈА Над половина милион луѓе без струја, град со големина на топче за голф паѓа
Повеќе од половина милион луѓе во австралиската држава Викторија останаа без електрична енергија како последица на невремето, бидејќи електраната беше принудена да се исклучи.
Електричната централа на AGL, која произведува околу една третина од електричната енергија на Викторија, беше принудена да се исклучи во попладневните часови откако се урнаа неколку електрични столбови.
Според порталот 9news.com.au, невремето опустошило големи делови од Викторија и Мелбурн а попладне имало град со големина на топче за голф, поројни поплави и силни ветрови кои урнале дрвја.
„Повеќе од 500.000 домови или бизниси се без струја“, рече државниот министер за енергетика Лили Д’Амброзио на социјалните мрежи.
По затворањето на централата, цените на електричната енергија скокнаа низ државата Викторија до максимални 16.600 австралиски долари за мегават час од околу 200 долари, според податоците на австралискиот оператор за енергетски пазар (AEMO).
Како одговор, АЕМО нареди намалување на потрошувачката на електрична енергија.
Операторот претходно најави дека се потребни итни инвестиции за да се осигура дека снабдувањето со електрична енергија ќе остане доверливо бидејќи старите електрани на јаглен се исфрлаат постепено.
