НЕВИДЕНА ТРАГЕДИЈА: Осуммина загинаа, 13 се повредени во пожар во старски дом во Белград

Осум лица загинаа, седум се повредени, а 13 се спасени во пожар што утринава избувна во дом за стари лица во населбата Велики Борак во белградската општина Бараево. Во моментот на избувнувањето на пожарот во објектот имало 30 корисници.

Седум повредени се пренесени во ВМА и Ургентниот центар. 

Според пишувањето на српските медиуми, пожарот го предизвикало лице кое запалило душек во соба во домот за стари лица, кое изгорело во пожарот. Лицето што го запалило имало одредени психички проблеми.

„Постојат сериозни индиции дека оваа трагедија е предизвикана од криминални активности на поединец. Домот ги имаше сите дозволи и важечка лиценца“, изјави министерот Немања Старовиќ за РТС.