НЕСРЕЌА ВО ГРЦИЈА: Борбен авион се урна во Јонското Море
Авионска несреќа се случи во Грција. Грчки борбен авион се урна во Јонско Море и сега се трага по пилотите.
Спасувачи трагаат по двајцата пилоти на борбениот авион Ф-4 кој денес се урна кај западна Грција, јави грчката државна телевизија. Авионот бил на тренажен лет, тргнат нешто по 10 часот и се урнал на 25 наутички милји (46 километри) јужно од воздухопловната база Андравида на полуостровот Пелопонез.
Двајцата пилоти се катапултирале од леталото, тврдат медиумите, но властите не можеа да ја потврдат таа информација. Борбените авиони од американско производство Ф-4 „фантом“, Грција првпат ги набавија во 1974 година.
Беспилотен авион во 2018 година се урна во северна Грција кратко по полетувањето.
фото ЕПА
