Несовесен пар со џип оставил мачка затворена во пакет пред ЈП Лајка – од таму реагираат: Да не излезевме немаше да биде жива!
Од ЈП Лајка се јавија на социјалните мрежи во врска со оставена мачка пред стационарот.
Од таму велат дека доколку не излегле на време, мачето немало да биде живо.
„Се извинуваме што оваа објава ќе се разликува од останатите, но мораме да реагираме овој пат. Да се остави мачка пред стационар за кучиња е еднакво на смрт! Доколку не сте во можност да и помогнете подобро е да ја оставите и да ја објавите на социјалните мрежи, на тој начин има поголема шанса за живот! Да не излезевме навреме мачето немаше да биде живо, иако веќе е во многу лоша здравствена состојба.
Ова не е прв случај нажалост, не е прв пат да ни остават маче, легло од мали кучиња, кои за жал остануваат на депонија, бидејќи ЈП Лајка може да прими само кучиња на 7 месечна возраст! На мачето моментално му пружаме прва помош, Ве молиме доколку некој е во можност да ја земе да не контактира во порака, бидејќи мачето не може да остане кај нас. Се надеваме дека оваа објава ќе стигне до парот со црниот џип кој го остави мачето пред вратата на ЈП Лајка, а не не ни почека да излеземе и дека ќе разберат дека ЈП Лајка е стационар исклучиво само за КУЧИЊА над 7 месечна возраст, сакаме да веруваме дека е ненамерна грешка“, велат од Лајка.
