НЕМА ВЕЌЕ МАКЕДОНЦИ, СРБИ, БОСАНЦИ: Индијци берат грозје во Црна Гора
Црногорските лозја ги берат сезонци од Индија.
Црногоската државна компанија „Плантаже“ ангажираше 40 сезонски работници од Индија. Причина за ангажирање сезонски работници од Индија, што изненади многумина, е недостигот на сезонски работници од регионот, пишува „Дан“.
Работниците добиваат плата, три оброка дневно, сместување, а платен им е и превозот.
„Досега делумно го решававме проблемот со работната сила со ангажирање работници од земјите од регионот Србија, БиХ и Северна Македонија. Со оглед на тоа што нема доволно интерес за ваков вид на работа од страна на домашната работна сила, како и работната сила во околината, ‘Плантаже’, како и другите работодавачи, се принудени да бараат работна сила надвор од границите на регионот, со цел да се обезбеди континуиран производствен процес, кој е приоритет на бизнисот. Годинава за прв пат имаме интерес од работници од азиските земји. Околу 40 лица од Индија во моментов се во процес на добивање на потребните дозволи за привремен престој и работа“, соопштија од „Плантаже“.
Филипинци, Индијци, Непалци, работат на Балканот.
foto freepik.com/ayhanturandesign
