„Нема фризури за нив“, порача директорот на Шутка за избричените глави на осомничените за убиството на Вања и Панче

Попладнево при спроведувањето на осомничените во Кривичниот суд, јавноста можеше да види сите четворица беа со избричени глави и во иста облека – комбинезони.

Директорот на затворот во Шуто Оризари за изгледот на осомничените вели дека нема толеранција за сторители на вакви кривични дела.

„Не се толерираат во истражниот затвор фризури за сторители на вакви тешки кривични дела и не се толерира облека со некакви ознаки на неа“, вели за „360 степени“ директорот на истражниот затвор „Скопје”, Филип Андов.