Нема алкохол и луда прослава за Грилиш, само здрава храна и одмор!
По триумфот над Интер во финалето во Лигата на шампионите и освојувањето на тројната круна, фудбалерите на Манчестер Сити се упатија на Ибица да го прослават големиот успех.
Џек Грилиш беше играчот кој најмногу се пијанчеше, Англичанецот не можеше да се отрезни со недели.
Па по синоќешната победа над Севиља во Суперкупот на Европа, новинарите го прашаа Џек Грилиш дали ќе има нова журка.
„Не, не.. Пеп стави забрана. Видете, сега сите си одиме дома, да каснеме нешто здраво и да одмориме. Имаме нов натпревар… кој ден сме денес? За три дена играме пак, па затоа целта е да се одмориме и да му ја мислиме на натпреварот од Премиерлигата“, рече Грилиш.
„Пеп ни стави јасно до знаење колку многу сака Манчестер Сити да го освои овој трофеј. Сега сите можете да видите колку ни значи. Клубот забележа големи успеси, но овој трофеј го чекавме долго“.
