Неколку минути пред трагедијата добил порака од сопругата: Трогателен разговор со сопруг на патничка од авионот од Вашингтон

Трогателен разговор со сопругот на патникот од авионот кој синоќа се судри со воен хеликоптер над Вашингтон објави американската телевизија WUSA.

Хамад Раза откри дека добил порака од сопругата неколку минути пред нејзиниот лет на Американ Ерлајнс да се судри со хеликоптер Блек Хок во главниот град на САД.

„Само се молам некој да ја извлече од реката во моментов. Тоа е сè за што можам да се молам“, рече тој.

Раза беше прашан кога последен пат разговарал со сопругата.

„Таа ми испрати порака дека слетуваат за 20 минути“, изјави тој за телевизијата, покажувајќи им ги пораките на неговиот телефон.

Раза додаде дека сфатил дека нешто не е во ред кога неговите пораки не биле доставени.

„Тогаш сфатив дека нешто се случува“, рече тој, покажувајќи на недоставените пораки на екранот на неговиот телефон.

Трагедијата се случи во средата вечерта по локално време кога хеликоптер со тројца војници се судри во воздух со комерцијален лет со 60 патници и четворица членови на екипажот.

Регионалниот лет 5342, авион Bombardier CRJ700 кој патувал од Вичита, Канзас, се судрил со воен хеликоптер додека се приближувал на пистата 33 на аеродромот во Вашингтон околу 21 часот.