Неделен хороскоп 12-18 февруари

ОВЕН
Oваа недела ви следуваат одлични вести! Почнувајќи од сабота, планетата Венера конечно повторно ќе се активира во ваша корист: љубовните неволји од последниот период ќе бидат само далечен спомен. Марс, исто така, повторно станува поволен почнувајќи од среда: ќе доживеете убаво закрепнување и во однос на енергијата. Вторник и среда ќе имате голема среќа, со прекрасна Месечина во знакот.

БИК
За жал оваа недела и Венера и Марс ќе влезат во „непријателскиот“ знак Водолија: за вас започнува малку комплициран период, како на енергетски, така и на љубовен план. Нема да биде секогаш лесно да најдете дијалог со партнерот и да можете да се разберете. Искористете ги деновите четврток и петок, кога прекрасната Месечина ќе ви помогне да ги искажете вашите емоции.

БЛИЗНАЦИ
Оваа недела планетата Венера повторно ќе биде активна во ваша корист! Почнувајќи од петок, љубовта ќе ви возврати со насмевка… Ако месец јануари и овој прв дел од февруари го ставија на тест вашиот живот во пар, сега полесно ќе се разберете и убаво ќе комуницирате со партнерот. За самците би можеле да дојдат интересни средби! Искористете ги среќните денови на Месечината: сабота и недела.

РАК
Подготвени ли сте да здивнете? Почнувајќи од оваа недела и планетата Венера и планетата Марс повеќе нема да бидат во опозиција со вашиот знак! Малку по малку ќе можете да вратите од енергијата, и физичка и ментална. Дури и во љубовта ќе најдете малку спокојство, по период кој беше дефинитивно предизвик за вас. Во четврток и петок ќе имате прекрасна среќна Месечина за поддршка. Негативни денови: вторник и среда.

ЛАВ
Оваа недела за жал и планетата Венера и планетата Меркур ќе влезат во опозиција со вашиот знак… Нема да биде лесен период, особено на сентиментален план: во врската може да се појават долготрајни тензии и да доведат – во екстремни случаи – дури и до разделба… Ќе се почувствува замор на работното место, каде што може да доживеете момент на блокирање. Среќна Месечина во сабота и недела.

ДЕВИЦА
Вашата недела започнува со дефинитивно нервозен понеделник, со Месечината во опозиција. Среќна Месечина пак, во четврток и петок, кои исто така ќе бидат најинтересни кога се во прашање чувствата. Во контекст на работата, може да добиете некоја добра вест: Јупитер ве поддржува и ви помага да реализирате важен проект, додека Сатурн во опозиција сигурно нема да ве поштеди од трудот.

ВАГА
Планетата Венера и планетата Марс оваа недела конечно се активни во ваша корист! Доживеавте дефинитивно исцрпувачки јануари и првиот дел од февруари, но сега нема да недостигаат големи задоволства, особено во делот на чувствата. Секој што доживеал кризен момент со партнерот, повторно ќе го открие дијалогот и спокојството во врската. Марс, од своја страна, ветува убаво обновување на енергијата!

СКОРПИЈА
За жал оваа недела планетата Венера и планетата Марс ќе направат неповолен транзит за вашиот знак, со што ќе ви донесат добра доза на стрес и уште малку болка во наредниот период… Обрнете внимание на четврток и петок, кога Месечина во опозиција ризикува да ве натера да се чувствувате незаинтересирано и неволно. Понеделник пак, ќе биде посреќен, со убава поволна Месечина.

СТРЕЛЕЦ
Венера и Марс оваа недела ќе влезат во „пријателскиот“ знак Водолија, подготвени да ви донесат многу добри вести, особено во делот на чувствата! Почнувајќи од петок, всушност, деновите ќе ви бидат обоени со страст, а самците би можеле да доживеат возбудливи авантури… Внимавајте, сепак, на нервозната Месечина во опозиција во сабота и недела, која може да донесе некои падови.

ЈАРЕЦ
Оваа недела и планетата Венера и планетата Марс ќе го напуштат вашиот знак, но сигурно нема да ве остават незадоволни… Многумина од вас веќе ќе ја имаат добиено добрата вест што ја чекавте, за другите нема да чекате уште долго! Јупитер ве штити и ви помага да ги постигнете вашите цели. Најсреќните денови во неделата, со убава поволна Месечина, ќе бидат четврток и петок.

ВОДОЛИЈА
Дојде вашето време! Оваа недела и планетата Венера и планетата Марс ќе стигнат до Сонцето и Меркур во конјукција со вашиот знак: нема да недостасуваат добри вести, како во емотивната, така и во професионалната сфера. Љубовта ви се насмевнува: за слободните би можела да пристигне вистинската личност, додека оние кои се веќе во пар ќе прават планови за иднината… Среќни месечеви денови: сабота и недела.

РИБИ
Вашата недела започнува со прекрасен понеделник, кој ќе ви донесе среќа. Среќна Месечина и во четврток и петок, кога би можеле да добиете добри вести или задоволство во врска со работата… Сабота и недела, пак, се тензични денови, со Месечина во неповолна положба што може да влијае на вашето расположение и да донесе дискусија со партнерот.