„Не знаел дека ќе биде дискотека“: Газдата на објектот тврди дека само го издал просторот – клучните докази му биле заклучени во гаражата
„Гроздан не бил известен од првообвинетиот каква дејност ќе се обавува во објектот. Во договорот за закупу не е наведена дејноста.“
Со оваа теза, одбраната на обвинетиот Гроздан Милковски, сопственик на халата каде што беше сместен клубот „Пулс“, се обидува да докаже дека тој бил само хазјаин кој не знаел што се случува во неговиот имот.
Неговиот адвокат истакна дека Гроздан „никогаш усно или писмено не дал согласност за внатрешно уредување на објектот“, алудирајќи на поставувањето на лесно запаливите материјали (сунѓери) кои беа кобни за ширењето на пожарот.
Доказите се во гаражата до дискотеката? Одбраната откри дека има проблем со пристапот до сопствената документација. „Голем дел од документацијата се наоѓа во објектот кој е залепен до дискотеката (гаражата), која не е опожарена. Поднесовме барање до ОЈО да ни дозволи да влеземе, бидејќи таму се документите со кои ќе ја докажуваме невиноста,“ рече бранителот.
Иако одбраната тврди дека тој „не знаел“, Обвинителството го тврди спротивното. Гроздан Милковски (72) се товари за „Тешки дела против општата сигурност“.
Според обвинението:
