НЕ САКАЛЕ ДА ИМ ИСПЛАТАТ ПЛАТИ: Кинеските газди истепале индиски работници во Србија
Кинеските газди истепале работници од Индија на градилиште во Србија.
Настанот се случил во градот Зрењанин, пишуваат српските медиуми. На ова реагираше и српскиот синдикатот „Слога“ кој оцени дека Србија станува земја во која работодавачите се однесуваат според робовладетески манири.
„Луѓето од компанијата се лоши. Не тепаа“, велат работниците од Индија.
Како што раскажуваат Индијците, меѓу 10 и 12 кинески менаџери дошле со намера да ги принудат работниците веднаш да го напуштат сместувањето и да заминат во Белград и да не им ги исплатат заостанатите плати.
Откако одбиле, настанала тепачка во која менаџерите физички ги нападнале Индијците, а на еден работник во Ургентниот центар му се констатирани полесни повреди.
Работниците побарале полициска заштита и дека некој ќе им гарантира дека ќе ги добијат парите и дека ќе имаат каде да престојуваат во наредните три дена, затоа што нивното заминување е планирано за 4 и 5 февруари.
Изјавиле дека најчесто работеле на височини без соодветна заштитна опрема, дека не биле физички малтретирани, туку биле принудени на брза и тешка работа. Како заштитна опрема имале само шлемови.
Работниците од Индија изјавиле дека позајмиле по 3.500 долари за да дојдат во Србија во јули 2022 година. Нивната плата била 700 долари месечно за десет часа работа дневно, шест дена во неделата. Останале неисплатени 2.400 долари, а по вчерашниот петчасовен разговор со полицијата постигнале договор со Кинезите да им платат 1.700 долари.
Во Србија има работници од Индија, Бангладеш, Филипини и други земји.
