„Не постои вага што може да го измери развојот на државата со политиките на Ахмети“, велат од ДУИ
Од Демократската унија за интеграција упатија реакција на изјавата на лидерот на ВМРО-ДПМНЕ, Христијан Мицкоски во Крушево дека неговата задача и цел е да ги испрати Али Ахмети и ДУИ во политичка пензија.
„Го потсетуваме Мицкоски и неговите проруски телали дека кариерата и политичката активност на г-дин Али Ахмети е повеќе од историја, повеќе од Влада и повеќе од власт. Oд денот на основањето на ДУИ, Ахмети нема изгубено ниту едни избори и така ќе биде се додека Мицкоски, не им се придружи на пензионерите, и во СДСМ и во ВМРО, кои своевремено сакаа уривање на ДУИ и на лидерот на Албанците, Али Ахмети. Мицкоски знае дека во Северна Македонија не постои вага која може да ја измери работата, развојот и трансформацијата на државата со реформистичките проевропски политики на ДУИ и г-дин Али Ахмети“, се вели во реакцијата.
