НЕ Е МАРАТОНЕЦ, НО ТРЧА СО БРЗИНА ОД 6 КИЛОМЕТРИ НА ЧАС – Тиангонг е хуманоиден робот кој се движи како ниеден досега
Центарот за иновации на хуманоидни роботи во Пекинг штотуку го претстави својот најнов хуманоиден робот „Тиангонг“, способен да трча со брзина од 6 километри на час, што претставува значителен напредок во развојот на роботиката.
Со висина од 163 сантиметри и тежина од 43 килограми, роботот има доволно лесна и стабилна конструкција што му овозможува да работи стабилно и правилно.
Опремен е со сензори за визуелна перцепција, високопрецизна инерцијална мерна единица и сензори за 3D вид. Сето тоа му овозможува да се движи ефикасно и стабилно во средината во која се наоѓа.
Покрај тоа, во роботот се вградени високопрецизни шестдимензионални сензори за сила, кои му даваат многу прецизна повратна информација за силата на движење.
Природно трчање
Тиангонг користи сосема нов метод за учење на движечката вештина на хуманоидните роботи, што одигра клучна улога во постигнувањето на висок степен на способност за движење што го прави неговото трчање да изгледа природно.
Креаторите на роботот ја нагласуваат неговата компатибилност, што му овозможува да користи различни отворени комуникациски интерфејси и флексибилно да ги проширува софтверот, хардверот и другите функционални модули.
Сето ова го прави многу прилагодлив и го обезбедува неговиот потенцијал за различни намени и можности за примена.
Прилагодлив на било која површина
За време на демонстрацијата на своите способности, Тиангонг успешно се движеше по нагорнини и скали, без „визуелен влез“, односно само врз основа на сензори. Демонстрирајќи ја својата способност да се прилагоди на променливата средина, роботот исто така ја покажа својата агилност да го прилагоди одењето кога наидува на пречки или нерамен терен.
Значајниот напредок во развојот на хуманоидните роботи кои Тиангонг ги носи со својата способност за природно движење и извршување други движења ја отвора вратата за неговата потенцијална примена во различни области, како што се: операции за пребарување и спасување, одговор при катастрофи и помош, и секако во преработувачката индустрија.
Роботот сигурно ќе мора да помине низ повеќе фази на развој и тестирање, но она што Тиангонг веќе го покажа е прилично импресивен чекор напред за роботиката.
