Научниците сметаат дека „вонземјаните“ од Мексико се најобична измама

Наводни вонземјани слетаа во Мексиканскиот конгрес, но тоа не беше НЛО во облик на чинија што лебди над историската зграда или светло зелени напаѓачи како оние од холивудските филмови…

Сеништето на „малите зелени човечиња“ пристигна во Мексико Сити додека парламентарците во вторникот го слушнаа сведочењето од поединци кои укажуваат на можноста за вонземјани.

Истражувачите дојдоа од Мексико, САД, Јапонија и Бразил, пишува Асошиетед прес.

Сесијата без преседан во Мексиканскиот Конгрес беше одржана два месеци по слична пред Конгресот на САД на која поранешен разузнавач на американското воено воздухопловство тврдеше дека неговата земја веројатно знаела за „вонземски“ активности уште од 1930-тите.

Мексиканскиот новинар Хозе Хаиме Маусан претстави две кутии со наводни мумии пронајдени во Перу, за кои тој и другите луѓе веруваат дека припаѓаат на „нечовечки суштества кои не се дел од нашата земна еволуција“, потсетува Индекс.

Згрчените тела со згрчени и искривени глави ги запрепастиле властите и брзо кренале бура на социјалните мрежи.
„Тоа е кралица на сите докази. Ако ДНК ни покаже дека тоа се „нечовечки“ суштества и дека нема вакво нешто на светот, тоа треба да се сфати како такво“, тврди Маусан.

Сепак, тој предупреди дека се уште не сака да ги нарекува „вонземјани“.

Очигледно исушените тела датираат од 2017 година и беа пронајдени длабоко под земја во пустината Наска во Перу.

Областа е позната по гигантските енигматични фигури врежани во земјата и видливи само од птичја перспектива.

Повеќето од тие линии во пустината Наска се припишуваат на древните домородни заедници, но формациите ја освоија имагинацијата на многумина.