НАТО се подготвува за голема вежба, ќе тестира можен конфликт со Русија – остра реакција пристигна од Москва  

Блокот на земји предводени од САД станува „сè поагресивен“, рече секретарот на Советот за безбедност на Русија, Николај Патрушев.

Воените вежби на НАТО ги зголемуваат тензиите на глобално ниво, изјави секретарот на Советот за безбедност на Русија. Николај Патрушев рече и дека НАТО троши се повеќе воена опрема, што ја покажува агресивноста на НАТО.

Вежбите, прогласени за најголеми што ги одржува НАТО во последните децении, започнаа на крајот на јануари и ќе завршат во мај. Во вежбите учествуваат околу 90.000 војници од сите 32 земји-членки. Покрај тоа, се користат 1.100 борбени возила, вклучувајќи 133 тенкови и 533 борбени возила и повеќе од 50 бродови и 80 хеликоптери, беспилотни летала и борбени авиони, се верува.

Патрушев изјави дека вежбите на НАТО, на кои се вежба сценарио за вооружен конфликт со Русија, ги зголемуваат тензиите во светот.