Наталија (14) почина откако со часови лежеше на снег, без никој да и помогне: полицијата помина неказнета
И по речиси три месеци од трагичната смрт на малата Наталија (14) од Полска, која почина откако со часови лежеше на снег во центарот на градот, не се знае точно како биле казнети полицајците што ја одложувале потрагата со часови.
Трагедијата се случи на крајот на ноември минатата година, а сите се бесни на полицијата која не реагираше навреме кога беше пријавено исчезнувањето на девојчето.
Имено, на кобниот 28 ноември, Наталија тргнала на училиште во Андрихово, но на пат кон автобуската станица и се слошило.
Девојката му се јавила на татко и и рекла дека и се стемнувало пред очи, дека не може да оди и не знае каде е. Наталија пропаднала во снегот во близина на продавница и лежела со часови, никој не и обрнувал внимание, а полицијата не започнала потрага веднаш по пријавата.
Имено, откако пријавила дека и е лошо, татко и повеќе не можел да ја добие на телефон. Веднаш почнал очајно да ја бара, пријателите му помогнале, но бидејќи не успеал да ја најде во градот со околу 20.000 жители, околу 10 часот отишол во полициска станица.
Но, полицијата веднаш не презеде акција. Работата да биде уште полоша, девојката лежела во снегот на само 500 метри од полициската станица.
Роднина на семејството вели дека полицијата прво го натерала таткото да чека, а потоа го испрашувала наместо веднаш да и го лоцира мобилниот телефон. Надвор беше студено, околу минус 3 степени…
Патролата почнала да бара нешто по пладне. За жал, девојката била пронајдена во бессознание дури околу 13 часот и 30 минути. Случаен минувач ја собрал и ја внел во продавницата. Набрзо пристигнала брза помош која тешко премрзнатото девојче го пренело во болница. За жал, таа почина следниот ден. Резултатите од обдукцијата покажале дека Наталија претрпела огромно крварење на мозокот.
Случајот предизвика голема тага во Полска и критики кон полицијата и луѓето кои безобразно минуваа.
Потоа беше одлучено да се спроведе истрага и да се поведе дисциплинска постапка против четворицата полициски службеници, со цел да се утврди дали имало невнимание во вршењето на службата, што можело да придонесе за смрт на детето.
