НАШИТЕ СОСЕДИ СЕ НА ЛИСТАТА: Кои се најзадолжените, а кои најмалку задолжените држави во ЕУ?
Грција е меѓу најзадолжените во европското семејствo, а Бугарија е во обратна позиција. Грција и Италија се држави со најголем државен долг во Европската Унија(ЕУ), а Естонија и Бугарија најмалку задолжени. Податоците ги објави Евростат.
Највисок коефициент на државниот долг во однос на БДП на крајот на вториот квартал од годинава имала Грција од 166,5 отсто, и таа е пред Италија од 142,4. Франција има долг од 111,9, Шпанија од 111,2, Португалија од 110,1 и Белгија од 106 проценти од БДП.
Најниско ниво на државниот долг споредено со БДП имала Естонија од 18,5 отсто, пред Бугарија од 21,5, Луксембург од 28,2, Данска од 30,2 и Шведска од 30,7 проценти.
Но, има и земји каде долгот се намалува. На квартално ниво во 2023 година, во девет држави членки на ЕУ има зголемување на односот на долгот кон БДП, а во 18 има намалување.
foto freepik.com
