Нашите иселеници од Англија со хуманитарна донација за Здравствениот дом во Делчево
Група наши сограѓани кои живеат во Обединетото Кралство покажаа исклучителна хуманост и солидарност со донација за Здравствениот дом во Делчево. Тие обезбедија значајна опрема која ќе го подобри квалитетот на здравствените услуги во овој регион.
Донацијата вклучува дефибрилатор, помошни средства, специјални торби, машина за одржување хигиена и други неопходни апарати, кои значително ќе помогнат во секојдневната работа на здравствените работници.
Овој голем гест од нашите иселеници претставува доказ за нивната посветеност кон татковината, без оглед на далечината. 
„Секоја чест на нашите сограѓани кои не ја забораваат својата земја и кои со вакви хумани дела покажуваат како треба да се поддржуваат заедниците,“ изјавија од Здравствениот дом Делчево.
Хуманитарната акција дополнително ги зајакна врските меѓу дијаспората и локалната заедница, пренесувајќи порака дека заедништвото и солидарноста немаат граници.
