НАСЕЛЕНИЕТО СТАРЕЕ: Која е просечната возраст во Србија?
Старее населението и во Србија. Просечната возраст на населението кај северниот сосед е 43,9 години.
Просечна возраст на жените изнесува 45,3 и на мажите 42,5, години, покажуваат денеска објавените податоци на Републичкиот завод за статистика, јави дописникот на МИА од Белград.
Најголем број жители, 63,3 отсто, се граѓаните на возраст од 15 до 64 години, потоа следат граѓаните на возраст од 65 години и постари (22,3 отсто), а најмалку ги има најмладите до 14 години (14,4 проценти).
Лани починале повеќе лица отколку што биле родени или имало 61.052 живородени, а 97.081 умрени.
Од 1989 година 11 јули се одбележува како Светски ден на населението со цел да се подигне свеста за прашањата кои влијаат врз светската популација.
foto freepik.com
