Направете си домашна моцарела: Ви требаат само две состојки
Познатото италијанско сирење моцарела отсега можете да го правите дома, а потребни ви се само две состојки.
Важно е само дакористите полномасно млеко за да ги има потребните масти. Кога ги подготвувате омилените специјалитети со него, исто така ќе се растегнува и ќе има препознатлив вкус.
Потребни состојки:
2 литри непастеризирано млеко,
оцет.
Подготовка:
Загрејте го млекото, но не треба да биде премногу жешко. Додадете 4 лажички оцет, нежно мешајќи без престан. Овој процес се одвива бавно затоа бидете трпеливи и мешајте додека млекото не почне да се одвојува и да формира поголеми грутки.
Со раце земете го сирењето, исцедете го и направете топка, па ставете го и топла вода. За тоа можете да ја искористите и течноста која останала по правењето на сирењето, загрејте ја малку за да биде доволно топла.
Чувајте го во топла вода околу пет минути, а потоа исцедете го со рацете. Потоа вратете го, измешајте малку, исцедете го и повторете ја постапката два до три пати.
После тоа, ставете ја топката со сирење во ледена вода минута или две. Совет е да ставите коцки мраз во водата за да биде што поладна.
Извадете го, исцедете го и повторете го овој процес два до три пати. По ова, сирењето е подготвено за јадење.
