Нападнат автобусот на Астон Вила по мечот со Барнли!
Астон Вила со трите бода си замина од гостувањето кај Барнли, а дел од фановите на домаќините многу драматично го сфатија овој пораз, до таа мера што фрлаа со тврди предмети по автобусот на гостите.
Информациите велат дека еден од тренерите на Астон Вила бил повреден во инцидентот. Снимка од моментот била испратена до полицијата која ќе го истражува инцидентот.
Со соопштение се јавија и од Барнли кои дадоа поддршка за случајот да биде решен и напаѓачите да бидат казнети.
„Барнли со жалење и згрозување дозна за анападот на тимскиот автобус на Астон Вила. Зборувавме со претставниците на Вила и ни кажаа дека никој посериозно не бил повреден. Силно го осудуваме ова однесување и даваме поддршка на полицијата во напорите да се откријат одговорните за инцидентот“, се вели во соопштението на Барнли.
