Нападнат Јанис Варуфакис во Атина

Грчкиот економист, основач и лидер на левичарската партија Европски реалистичен фронт за непослушност и поранешен министер за финансии на Грција, Јанис Варуфакис, бил нападнат и претепан од група луѓе во познатата атинска населба Егзархија, пред ресторанот каде седел со пријателите.

Според првичните информации, група луѓе му пришле на Варуфакис кој седел во ресторанот, почнале да го навредуваат и туркаат и на крајот физички да го нападнат, пренесува Катимерини.

Еден напаѓач го удрил Варуфакис по лицето, нанесувајќи му повреда поради која завршил во болница каде му била дијагностицирана скршеница на носната коска. Партијата на Варуфакис објави дека тој бил подложен на „храбар фашистички напад“.

„Денешната епизода нека послужи како потсетник за оние кои намерно ја продаваат лажниот и клеветнички наратив што го користат денешните насилници. Им велиме: не се плашиме, не сме срамежливи, не отстапуваме. Во мрак одговараме со еден збор: „ДЕН“, се наведува во соопштението.

Грчкиот премиер Киријакос Мицотакис го осуди нападот врз Варуфакис и посочи дека насилството не може да се толерира.

„Нападот врз господинот Варуфакис е апсолутно за осуда и нашата Република не може да го толерира. Му посакувам брзо закрепнување и сигурен сум дека грчката полиција ќе направи се за да ги изведе сторителите пред лицето на правдата“, напиша премиерот во својата објава.