НАМЕСТО 14 ЧАСА, ЌЕ СЕ ПАТУВА ОСУМ: Почна со работа брзиот воз меѓу две метрополи, ова е цената на билетот
Брзиот воз од Берлин до Париз е пуштен во употреба, со што патувањето меѓу двете европски престолнини е скратено од сегашните 14 часа на само осум. Беа избегнати и претходни трансфери.
Првиот воз тргна од главната станица во Берлин претходно оваа недела, нешто по пладне, пристигнувајќи во француската престолнина во 19:55 часот, по постојките во Франкфурт, Карлсруе и Стразбур.
Извршниот директор на германската државна железница Дојче Бан, Ричард Лак, министерот за транспорт Фолкер Визинг и францускиот амбасадор во Германија Франсоа Делатре присуствуваа на историското поаѓање на возот, кое беше најавувано со години.
„Добрата француско-германска соработка е столбот на обединета Европа. Новата директна линија (Интерсити-Експрес) меѓу Берлин и Париз е симбол за тоа“, изјави Лук, пренесуваат агенциите.
Францускиот амбасадор рече дека новата служба ги истакнува силните врски меѓу Франција и Германија и го зближува населението.
„Ова е за средби, размена, заеднички раст и меѓусебно разбирање. Се работи за пријателство на дело“, нагласи министерот за транспорт.
Со новата линија управуваат Дојче Бан и француската SNCF Voiageurs, подружница на националната железничка компанија SNCF.
Билетите се достапни од 59,99 евра и се продаваат брзо, се вели.
Берлин и Париз претходно беа директно поврзани само со ноќен воз, а патувањето траеше околу четиринаесет часа и главно беше ноќе и се случуваше неколку пати неделно.
Овој супербрз воз ќе сообраќа секој ден, според претходните најави, на следниов начин: возот ќе тргнува од Париз Gare de l’Est во 9.55 часот и ќе пристигне во Berlin Hauptbahnhof во 18.03 часот, додека во спротивна насока, од Берлин ќе , според најавите, тргнување во 11:54 часот и пристигнување во Париз во 19:55 часот.
