Надал сѐ уште не е готов – веќе напорно тренира за следниот турнир (ВИДЕО)
Шпанскиот тенисер деновиве тренира во својата академија, каде што се подготвува за турнирот во Доха, кој ќе се одржи од 19 до 24 февруари годинава. За конкуренти ќе ги има финалистот од Мелбурн, Данил Медведев, како и Андреј Рубљов, Енди Мари, Алехандро Давидович Фокина, Карен Хачанов…
„По еден период што не објавувам ништо , еве сум – назад на тренинзите и тоа со поголем интензитет“, напиша еден од најдобрите тенисери на сите времиња.
Надал ја пропушти речиси целата тениска 2023 година, додека на стартот од оваа сезона ја обнови повредата на мускулот, па мораше да го пропушти Австралија Опен. Рафа уште лани истакна дека 2024 година може да му биде последна играчка година, но очигледно дека се уште има мотив да се натпреварува на големи турнири. Турнирот во Доха е дел од серијата 250, а од настапот на него ќе зависи дали Шпанецот потоа ќе се реши да го игра мастерсите во Индијан Велс и во Мајами.
