„НА СРБИЈА И Е ПОТРЕБЕН ЗДРАВ И ВО ПОЛН КАПАЦИТЕТ“: Додик по телефонскиот разговор со Вучиќ
Претседателот на Република Српска, Милорад Додик, денес разговараше телефонски со претседателот на Србија, Александар Вучиќ, кој, како што вели, му посака брзо закрепнување, „бидејќи на Србија ѝ е потребен здрав и во полн капацитет повеќе од кога било“.
Тој на социјалната мрежа X напиша дека Вучиќ го информирал дека се чувствува подобро и дека неговата здравствена состојба е добра.
– Разговарав телефонски со претседателот на Србија, Александар Вучиќ, кој ме информираше дека се чувствува подобро и дека неговата здравствена состојба е добра.
Стабилна и силна Србија е интерес на целиот српски народ, а претседателот Вучиќ е гарант за нејзиниот успех. Му посакав брзо закрепнување, бидејќи денес на Србија ѝ е потребен здрав и во полн капацитет повеќе од кога било – напиша Додик.
Претседателот на Србија, Александар Вучиќ, ненадејно се разболе во петокот попладне во Соединетите Американски Држави, поради што ја скрати посетата и се врати во Србија.
По враќањето во Белград, по прегледот на Военомедицинската академија, неговиот лекар Драган Динчиќ изјавил дека здравствената состојба на Вучиќ е стабилна и задоволителна, дека има проблем со крвниот притисок и дека во последните 10 години колку што го лекувал, во три наврати имал проблеми со висок крвен притисок, но никогаш како овој последен.
