НА РОДЕНДЕНОТ НА СДСМ СЕ ВИДЕ ДЕКА ЗАЕВ СЀ УШТЕ ГИ ДРЖИ КОНЦИТЕ Од ВМРО-ДПМНЕ велат дека на Бихаќка сите работат по негова насока
Доказот дека Зоран Заев сѐ уште ги држи конците во СДСМ се виде на роденденот на партијата, реагира ВМРО-ДПМНЕ.
„Филипче, Димитријевиќ и СДС не се оградуваат и дистанцираат од Заев, напротив аплаудираат и се восхитуваат на неговата појава. Човекот кој го смени името на државата, човекот кој местеше судии и обвинители, одлучуваше за судски предмети и постапки, човекот кој земаше евро за брат му и евро за црквата, човекот кој го уништи земјоделството, образованието, културата, човекот кој го оцрни образот, јазикот и идентитетот, аболицираниот криминалец Заев, дочекан од неговите лојалисти на чело со Филипче и Димитријевиќ како врховен лидер. Заев не пет години, туку пет минути не е апстиниран од СДС и политиката, синоќа на роденденот на партијата дојде да покаже дека тој сѐ уште е врховен лидер на СДС, и дека сите работат по негова насока“, се наведува во реакцијата на ВМРО-ДПМНЕ.
Последно во низата е договорот со српската опозиција за формирање фронт преку генералниот секретар на СДС, Димитријевиќ.
Во ВМРО-ДПМНЕ сметаат дека сѐ додека Заев е со СДСМ, партијата нема иднина.
СДСМ синоќа одбележа 35 години од своето основање на свечен настан во партиското седиште на кој присуствуваа членови и поддржувачи на партијата. На крајот од свеченоста, се појави и поранешниот лидер на партијата Зоран Заев.
.
