На протест во вторник излегуваат вработени од шест министерства и ДЗС
По штрајкот на вработените во Државното правобранителство, на 14 јануари на протест ќе излезат вработени од шест министерства и Државниот завод за статистика.
Претседателот на Синдикатот на УПОЗ, Трпе Деаноски, потврди дека протестираат вработените од министерствата за култура, животна средина, европски прашања, дигитална трансформација, транспорт и врски, економија и труд.
Во понеделник ќе биде официјално објавено кои уште институции ќе се приклучат. Барањето е потпишување на колективен договор кој предвидува 30% додаток на плата за вработените.
