На местото каде исчезна познатиот актер пронајдени човечки останки
Планинарите пронајдоа човечки останки на планината Балди во Калифорнија, во областа каде што претходно исчезна британскиот актер Џулијан Сендс.
Тие го известиле шерифот на округот Сан Бернардино, соопшти канцеларијата на шерифот, пишува Гардијан, а пренесува Index.hr.
Познатиот британски актер Џулијан Сендс (65) исчезна во јануари во областа додека планинареше.
Откако не се вратил, започнала потрагата во која учествувале десетици припадници на спасувачките сили. Сепак, поради лошите временски услови и мразот, потрагата беше прекината по неколку недели и продолжи кога условите се подобрија. По него трагаа хеликоптери и дронови, но безуспешно.
Сендс глумеше во бројни филмови и серии, вклучувајќи ги 24, Smallville и A Room with a View. Тој живее во Лос Анџелес од 2020 година, а неодамна се појави во драмата Бенедикција со колегата Питер Капалди. Актерот има сопруга и три деца, а планинарењето му било хоби.
