„На маса не нè слушаат, па затоа ќе нè слушаат од улица“: ССМ утре ја блокира Владата, последен ултиматум пред штрајк !
Сојузот на синдикатите на Македонија (ССМ) утре во 11 часот ќе ги блокира сите влезови на Владата. Ова е последната од низата блокади со кои синдикалците бараат итно зголемување на минималната плата на 600 евра и линеарно покачување на сите останати плати за 100 евра.
Според претседателот на ССМ, Слободан Трендафилов, Владата ги „блокира“ работниците додека трошоците за живот растат.
Утрешната блокада е последен чекор пред радикализирање на активностите. Доколку Владата и работодавачите не попуштат, ССМ најавува:
„На маса не нè слушаат, па затоа ќе нè слушаат од улица. ССМ ќе донесе одлука за генерален штрајк со која секој работник ќе биде правно заштитен“, порача Трендафилов.
Доколку не се прифатат барањата за 600 евра минималец, во март ќе следи редовно усогласување на платите, кое според сегашните пресметки би изнесувало скромни 1.500 до 1.700 денари – сума која за синдикатот е целосно неприфатлива.
