НАЈМАЛКУ 50 ПОВРЕДЕНИ ВО СЕВЕРНО КОСОВО: Еден човек е на операција, лекарите се борат за неговиот живот

Повеќе од 50 граѓани се повредени во инцидентите на северот на Косово, а еден од нив се бори за живот. Еден маж моментално е во операциона сала и лекарите се борат за неговиот живот. Тој имал прострелна рана во пределот на карлицата. Меѓу повредените е и доктор Драгиша Миловиќ, претседателот на општина Звечан, кој е погоден во пределот на градниот кош, но не се знае од што.

Доктор Златан Елек, директор на болницата во Косовска Митровица, за српскиот портал Новости , изјавил дека повеќе од 50 граѓани дошле во оваа здравствена установа поради повреди здобиени од шок-бомби, гумени куршуми и муниција, откако Србите во Звечан на северот на Косово се судрија со припадници на КФОР и косовската полиција.

Од петокот имаме ескалација, откако градоначалниците Албанци требаше да стапат на функција во северно Косово. Србите ги бојкотираа изборите. Западот повика на деескалација. 

Фото: Косово онлајн