На Крф и со авион: Воспоставен сезонски лет од Скопје
Грчката авиокомпанија Ејџ ерлајнс (Aegean Airlines) ова лето ќе започне со нова сезонска авионска линија од Скопје до островот Крф, објави Ex-Yu Aviation.
Летовите ќе почнат од 1 јуни и ќе се одвиваат до 28 септември. Авиобилетите за летот Скопје – Крф се достапни преку веб страната на авиокомпанијата. Сега повратен билет има почетна цена од 220 евра.
Ова е трета дестинација која oваа авиокомпанија ја воведува од Скопје, откако претходно воведе летови меѓу Скопје и Атина и Скопје – Сараево.
