На кој начин Германците штедат пари?
Најголем процент од Германците штедат преку тековна банкарска сметка. Истражување ги открива навиките на Германците.
Истражувањето на Здружението на приватни градежни друштва, покажа дека 38 отсто од Германците ги штедат своите пари преку тековна банкарска сметка. 33 отсто Германци користат штедната книшка. Понатаму се редат: nедвижен имот – 25 проценти, пензиско животно осигурување – 24 отсто, договори за станбено штедење – 23 отсто, инвестициски фондови – 22 отсто. Финансиските средства на Германците беа намалени лани поради лошите цени на акциите по војната во Украина, а DZ Bank очекува раст од скоро 6 отсто до 7,9 милијарди евра во 2023 година. ︎Експертите посочуваат дека стапката на штедење треба да продолжи да паѓа оваа и следната година. Оваа 2023 година, експертите очекуваат дека Германците ќе заштедат 10,7 отсто од расположливиот приход. Во 2024 година тие ќе можат да заштедат само 10,6 отсто од приходите. Во 2022 година стапката на штедење изнесуваше 11,3 отсто.
Светскиот ден на штедењето е многу популарен во Германија. Според Сојузниот завод за статистика, најголемата стапка на штедење во Германија е забележана во 1991, односно 1992 година – 12,9 отсто.
foto freepik.com/jcomp
