Најевтините станови во Србија: Во овој град, квадратен метар е под 700 евра
Додека во Белград, квадратен метар често се продава по цена повисока од 2.500 евра, постојат градови во Србија, каде што сè уште е можно да се најдат станови за помалку од 1.000 евра за квадратен метар, па дури и под 500 евра, пренесува Б92.
Според податоците од годишниот извештај на Републичкиот геодетски завод за 2024 година, Прокупље, град во јужна Србија, се издвојува како еден од градовите со најевтини станови во земјата.
Просечната цена по квадратен метар на стан во стара зграда во Прокупље е само 644 евра. Цените варираат од минимум 213 евра до 1.157 евра за квадратен метар.
Кога станува збор за нова градба, просечната цена по квадратен метар е малку повисока – 871 евро, но сепак многу пониска отколку во повеќето други градови во Србија. Ценовниот опсег се движи од 498 до 1.075 евра за квадратен метар.
Заечар е исто така меѓу градовите со поповолни цени, каде што просечната цена во стара зграда е 793 евра за квадратен метар, додека цените варираат од 143 до 1.389 евра.
Интересно е што во Заечар новите згради се поевтини од старите згради – просечниот квадратен метар во новите згради чини 725 евра, а цените се движат од 583 до 1.289 евра.
Во Врање, просечната цена во стара зграда е уште повисока – 833 евра за квадратен метар, со опсег од 533 до 1.304 евра. Новата градба е слична – 842 евра за квадратен метар во просек, додека цените се движат од 453 до 1.335 евра.
За споредба, просечната цена на стан во стара зграда за територијата на Република Србија во 2024 година изнесувала 1.675 евра за квадратен метар (медијална 1.500 евра за квадратен метар), што е за 14 проценти повеќе од претходната година.
Просечната цена на стан во нова зграда за територијата на Република Србија изнесувала 1.750 евра за квадратен метар (медијална 1.550 евра за квадратен метар), што е за 3 отсто повеќе од претходната година. Највисоката просечна цена на становите во нова градба е на локацијата на станбениот комплекс Белград на вода и изнесувала 4.808 евра.
/faktor.mk
