НА БАЛКАНОТ МУ СЕ ЗАКАНУВААТ ПОПЛАВИ И ЛИЗГАЊЕ НА ЗЕМЈИШТЕТО – еве какво време не очекува во следниве денови, вестите не се баш добри
Од денес, па се до 18 мај, на повеќе места низ регионот постои опасност од појава на поплави и лизгање на земјиштето, како и значително покачување на нивоата на реките. Интензивни врнежи од дожд се очекуваат речиси во сите држави од регионот, и тоа поради влијанието на моќниот циклонски систем и тоа со центар над Средоземјето и над Италија, пишува на страницата Метеоаларм.
Најголема опасност од појава на поплави и на лизгање на земјиштето постои во Бихаќ (Босна и Херцеговина), Сплит и во Мостар. Локални поројни поплави се можни и на другите места во регионот, а локално се очекува да наврне дури и над 200 л/м2 воден талог.
Локално има услови и за појава на ОЛУЈНО НЕВРЕМЕ.
На следната метеоролошка карта можете да погледнете колкаво количество на воден талог се очекува до 18 мај во регионот:
На граѓаните ги советуваме да бидат КРАЈНО ПРЕТПАЗЛИВИ поради овој моќен циклонски систем. Да бидат КРАЈНО ПРЕТПАЗЛИВИ и нашите сограѓани, и тоа доколку патуваат во регионот.
Поинтензивни врнежи се очекуваат и во Македонија до 18 мај, каде локално, и тоа особено во западните предели се очекува да наврне до околу 50 л/м2 воден талог, а можно е и локално НЕВРЕМЕ, проследено со обилен пороен дожд, силен ветер, електрични празнења и со услови за појава на град. Температурите ќе бидат без промени, односно остануваат повисоки и тоа поради јужното воздушно струење.
Погледнете го очекуваното количество на наврнат воден талог во Македонија до 18 мај вечерта:
Да напоменеме дека поради изразеното јужно воздушно струење, во следниот период од Сахара, кон Македонија и регионот ќе се врши транспорт на прашина и песок, со што и Атмосферата ќе биде заматена.
Инаку и метеоролозите од регионот предупредуваат на вакви временски непогоди и поплави.
