МЗТ го прегази Феникс, ТФТ сигурен против Тиквеш
Феникс парираше само една четвртина (17-20), по што МЗТ направи чекор кон победата и поведе со 38-28 на полувреме.
Како минуваше времето, така разликата на МЗТ се зголемуваше до конечни 92-63 за седми триумф во домашниот шампионат. Бојан Крстевски беше најефикасен кај МЗТ со 20 поени, седум скокови и три асистенции.
ТФТ водеше голема борба со Тиквеш во првата четвртина (21-20), по што стигна до 47-39 на полувремето.
Тиквеш не се предаваше во вториот дел и му парираше на скопскиот тим, меѓутоа ТФТ не дозволи изненадување и на крајот славеше со 90-86.
Глигоријевиќ постигна 22 поени, шест скокови и две асистенции во победничкиот состав, додека Томас Квери запиша 21 поен за Тиквеш.
