МРТВА ТИШИНА, СЕ ПОВЛЕЧЕ И ПОЛИЦИЈАТА: Завршени се истрагите на Железничката станица во Нови Сад, сослушани се 26 лица
На местото каде
во петокот се случи голема несреќа кај Железничката станица во Нови Сад, каде
при уривање на настрешницата загинаа 14 лица, завршени се сите истражни
дејствија.
Според наводите
на Блиц, и полицијата се повлече. На местото на несреќата останале само неколку
патроли за да ги спречат љубопитните граѓани да се приближат до ова место.
Местото на
трагедијата се уште е оградено со заштитна лента, а најдалеку што можете да се
приближите до станицата е на околу 10 метри од местото на трагедијата.
Вишото јавно
обвинителство соопшти дека вчера испрашало 26 лица поради трагичниот настан во
петокот кога 14 лица загинаа откако се урна натстрешницата на Железничката
станица во Нови Сад. Три лица го преживеале трагичниот настан, но според
последните информации од Клиничкиот Центар Војводина, тие се во критична состојба
со тешки повреди на повеќе органски системи.
Во петокот,
неколку минути пред пладне, се урна натстрешницата на влезот на Железничката
станица во Нови Сад, при што беа затрупани патници кои чекаа превоз.
фото: EPA-EFE/ANDREJ CUKIC
