Мората во 94-та минута ја расплака Жирона, Атлетико се зацврсти на трето место (ВИДЕО)

Се мачеше Атлетико за да дојде до триумф, па во стоминутната пресметка, Мората сепак најде начин за да погоди и тоа во акција по корнер, па судијата прво покажа офсајд, па го исправи ВАР за на крај црвено-белите да дојдат до победата.

Атлетико е во добра серија со оваа четврта победа во последните пет меча, па ги искористи сите киксови на Реал Сосиедад кој четири меча не знае за победа и двете ремија во низа на Бетис за малку да здивне во трката за местата во ЛШ. Жирона, пак, ја запиша 11-та нула и остана на 30 бода на 12-то место, само четири од Хетафе кој е прв од тројката во зоната за испаѓање.

Голот на Мората може да го погледнете ТУКА.