ФАКТОР НА ДЕНОТ: Се зголемува минималецот, работниците ќе земаат 20.175 денари
СЕ ЗГОЛЕМУВА МИНИМАЛЕЦОТ
Сојузот на синдикати на Македонија објави дека завршила седницата на Економско-социјалниот совет, како последна инстанца, на која се донела дефинитивната одлука минималната плата која работодавачите треба да ја исплатат од овој месец да изнесува 20.175 денари.
Годинава ќе ја завршиме со 7,1 отсто инфлација, а минималната плата во 2024 година ќе се доближи до просечната плата од 2016 година, кажа министерот за економија Крешник Бектеши во емисијата „10 минути“ на ТВ21.
Минималната плата се зголеми за 12 процентни поени, што значи номинално ќе има повеќе средства за трошење, рече вицепремиерот за економски прашања Фатмир Битиќи во гостувањето во Сител телевизија. Тој додаде дека не се согласува со пресметките дека растот на минималната плата ќе биде изгубен поради инфлацијата.
СЕМЕЈСТВОТО НА ИСЧЕЗНАТИОТ САМОИЛ Е ЗАГРИЖЕНО ЗАТОА ШТО НЕМААТ НИКАКВА ИНФОРМАЦИЈА
Семејството на исчезнатиот Самоил Костадиновски, веќе 10 дена чека да слушне информација дали тој е жив. Семејството испраќа молба до граѓаните да им помогнат со било каква информација да го најдат. Самоил е внук на македонскиот политичар, Љубе Бошкоски, има три годишно дете, а второто е на пат.
„На трети март се губи секоја трага од нашиот Самоил. Индициите наведуваат дека е киднапирање, а не самоволно исчезнување. Загрижува неажурноста на надлежните да се пронајде мојот сопруг.
ПОМАЛКУ МАКЕДОНЦИ ДОБИВААТ БУГАРСКИ ПАСОШ
Се помалку Македонци сакаат да станат бугарски државјани во последните три години Причината за новиот тренд се новите правни спорови, а не толку билатералните односи и ветото на Бугарија во преговорите на Северна Македонија со ЕУ, објави 24 Часа.
Во 2019 година се отворени 10.688 досиеја за барања на Македонци за државјанство по основа на нивното бугарско потекло, покажуваат податоците на Министерството за правда за „24 Часа“. Во следните 3 години пак, тие изнесувале нешто повеќе од 8.000.
24.370 се на број Македонците кои во истиот четиригодишен период добиле државјанство. Тие се повеќе од претходно поднесените пријави, бидејќи се во постапка која е започната одамна.
ЧИТАЈТЕ УШТЕ
Ситни акционерски промени се случиле во домашната фармацевтска компанија „Реплек“.
Компанијата, преку ценовно чувствителна промена на Берзата извести дека еден од акционерите, Владимир Пецовски купил четири акции, додка, пак, Славица Туџарова-Трајковска, продала 24 акции.
Безмалку 12 милиони евра по километар ќе чини изградбата на автопатите по Коридорот 8 и Коридорот 10д, а министерот за трaнспорт и врски Благој Бочварски и директорот на Јавното претпријатие за државни патишта, Ејуп Рустеми, тврдат дека, по актуелните цени, тоа е многу поевтино во однос на тарифите кои важеле порано во регионот.
Цените на прехрамбените производи вртоглаво пораснаа. Трошоците на граѓаните за основни продукти драстично се зголемија. Бројките говорат дека во период од една година цените на сите производи во малопродажба се зголемиле. Граѓаните честопати коментираат оти денеска за истите продукти даваат двојно повеќе пари, отколку пред една година.
