Момче кое било на списокот на Коста раскажа во какви односи бил тој со другите деца и професорката
Момче кое беше на списокот на Коста Кецмановиќ, детето кое вчера направи масакр во Белград, вели дека не знае дали ќе се врати на училиште.
Тој раскажа како изгледало да се биде на местото на злосторството.
„Телата на моите другари паѓаа на сите страни“, рече тој.
Тој за српски Блиц раскажа дека отишол на час со повредените деца и убиецот, а како што вели, класот на Кости бил главна мета.
„Кога влезе, ја погоди наставничката во врат за да не може да го спречи, немал ништо против неа. Таа беше добра со него. Беше добар ученик по сите предмети. Немаше лоши оценки. Не се фалеше со одење на стрелиште, цело време молчеше, повлечен беше“, раскажува момче кое беше на списокот на Коста Кецмановиќ и во училницата во која се случи пукањето.
Вели дека Коста ги убил лицата кои се на списокот и со кои не се дружел.
„Никој не го навредувал и не се расправал со него. Како случајно да одлучил, сега ќе го направам тоа. Сите мои пријатели беа на списокот“, вели ова момче.
Како што објаснува, учениците прво мислеле дека е петарда, а кога влегол Коста само почнал да пука.
„Лицето му беше луто. Беше ладнокрвен, како да има план да ги убие сите. Тој не кажа ништо. Сите молчеа, врескаа и потоа замолкнаа. Бев во таа училница“, објаснува момчето.
Владата на Србија предложи двегодишен мораториум за издавање дозволи за чување и носење кратко огнено оружје.
Во рок од три месеци мора да заврши ревизијата на сите издадени дозволи за поседување оружје, порача Владата.
Српската Влада донесе десет заклучоци по вчерашното масовно убиство во училиштето во Белград, кои вчера ги изнесе претседателот Александар Вучиќ, јави дописникот на МИА од Белград.
Работата на сите стрелишта ќе биде предмет на контрола на МВР во следните три месеци. Во соработка со Министерството за правда, во рок од еден месец ќе се изготват прописи за условите и начинот на користење на стрелиштата, вклучително и забраната за пристап на малолетници, се наведува во соопштението.
Министерството за правда, во рамките на постојната Работна група за измена на Кривичниот законик, ќе подготви измени на законот со кои ќе се пропише кривична одговорност за лицата кои овозможуваат малолетници и други неовластени лица да поседуваат огнено оружје и кои обучуваат малолетници и други неовластени лица да ракуваат со огнено оружје .
Министерството за правда, во рамките на постоечката Работна група за изменување и дополнување на Кривичниот законик, ќе ја разгледа можноста за измена на Кривичниот законик со цел намалување на старосната граница за кривична одговорност на малолетниците од 14 на 12 години, притоа почитувајќи ги меѓународните и европските стандарди, се наведува во соопштението.
Министерството за правда и Министерството за информации и телекомуникации во рок од еден месец ќе ја разгледаат можноста за заострување на санкциите за непочитување на пропишаните обврски на давателите на медиумски услуги, вклучително и интернетот и другите електронски платформи, како и социјалните мрежи, во однос на забраната за програмски содржини кои нагласуваат и поддржуваат насилство, криминално и друго незаконско однесување, емитување сцени на брутално насилство и други содржини кои можат сериозно да му наштетат на физичкиот, менталниот или моралниот развој на малолетниците.
Во рок од еден месец Министерството за образование и Министерството за здравство ќе подготват прописи со кои ќе се овозможи воведување задолжителни тестови за дрога во средните и во основните училишта за учениците од седмо и осмо одделение.
Владата во рок од десет дена ќе формира Совет за спречување врсничко насилство. Ќе формираат и група за безбедност на децата на интернет.
