МНР го потврди случајот за починатиот Македонец во Љубљана
Од МНР информираат дека до Амбасадата на Република Северна Македонија во Љубљана е доставено известување дека во текот на ноќта на 2 октомври 2025 година, животот го загубил македонски државјанин, роден во 1986 година во Кочани.
Според информациите од словенечката полиција, блиските на починатиот се веќе известени, а случајот е во надлежност на Секторот за криминалистичка полиција.
Амбасадата на Република Северна Македонија во Љубљана е во постојан контакт со семејството на починатиот и со надлежните словенечки институции, со цел обезбедување на потребната конзуларна поддршка и следење на понатамошниот тек на постапката.
