Млади, податоци, заедница: Градење партнерства за промена
Со оценка 2 – едвај доволно, екосистемот за поддршка на социјалното претприемништво во Северна Македонија добива јасен сигнал: потребна е силна промена! Овој резултат укажува на општестевени недостатоци и ја потенцира неопходноста од засилена поддршка, координирана политика и активно вклучување на сите чинители од општеството.
На тркалезната маса ‘Млади. Податоци. Заедница: Градење партнерства за промена’,
организирана од Младински Сојуз – Крушево, која ќе се одржи на 26ти Јуни во Хотел
Панорамика, ќе бидат презентирани резултатите од ‘Барометарот за социјално
претприемништво’, направен според четири столба: Квалитет на живот, Човечки капитал, Системи за поддршка и Финансирање, и Пристап до капитал, опфаќајки ги клучните наоди од истражувањето, трендовите согласно соодветните индикатори, и мапираните предизвици.
Настанот ќе вклучи носители на одлуки и релевантни чинители – претставници на владини институции, социјални претприемачи, академската заедница, деловниот сектор и граѓанските организации – со цел заедничко дејствување за градење на резилиентен екосистем за поддршка на младинското вработување и самовработување преку новите форми на претприемништво, и поттикнување на соработка помеѓу јавниот и приватниот сектор, граѓанското општество, и самите млади за унапредување на локалото економско учество на младите.
Тркалезната маса е централна активност на проектот “Барометар на социјалното
претприемништво” поддржан од Националната агенција за европски образовни програми и мобилност преку Еразмус плус програмата.
Настанот е од затворен карактер, и притоа со овој допис го покануваме Вашиот медиум да го проследи целокупниот настан од 10:00 до 12:00 ч., или пак брифингот за медиуми кој ќе се одржи во 12:15 часот при што организаторите ќе ги споделат наодите и заклучоците од истражувањето.
