„МИСЛЕВМЕ ДЕКА МОЖЕ ДА ПОМИНЕ 150 ЕВРА, АМА…“ – изнајмувач од Хрватска признава за колку морал да го поевтини сместувањето во срцето на сезоната

Откако дел од изнајмувачите на јадранскиот брег паднаа во „јулската дупка“, цените во август почнаа да паѓаат од 50 па дури и до 60 отсто

Паѓаат цените на приватното сместување во Хрватска. Откако дел од изнајмувачите на крајбрежјето доживеаја намалување на побарувачката, во август почнаа да се намалуваат цените од 50 до дури 60 отсто, за да не останат празни становите и куќите, пишува N1.

Пар од Бразил сместувањето во последен момент во август го чинело 150 евра од ноќ.

„Многу ни е тоа, а и курсот е многу висок“, ни изјави Дијана од Бразил.

Сопственикот на соба во центарот на Сплит морал да ја намали почетната цена од 150 евра за ноќевање, ни вели, бидејќи нема туристи како претходните две години.

– Цените требаше да се прилагодат, особено сега затоа што нема толку многу туристи. Нешто што мислевме дека може да се продаде под 150 евра, го ставивме под цена од 120“, вели Шиме Плетковиќ, приватен станоиздавач од Сплит, за N1.

Ана од Дугопоље е исклучително задоволна од оваа сезона, а во јули и август немала потреба да ги корегира цените.

Плетковиќ наведува дека во постсезона цените ќе бидат за 30 до 40 проценти пониски отколку во срцето на сезоната.

– Засега не ги спуштивме цените бидејќи резервациите за септември почнаа доста рано, немаше потреба. Резервациите за октомври обично започнуваат на почетокот на септември, а дотогаш ќе го задржиме статус квото.

– После тоа, ако видиме дека не функционира, ќе ги спуштиме цените можеби за уште 10-20 проценти. Но, цените се во опсег од минатата година, така што мислам дека нема да има потреба да се допираат – рече тој.

Фото: EPA