Миовски: Само со минутажа во клубовите ќе може да им парираме на гигантите!
Миовски има 17 гола за Абердин од кои 15 во шкотскиот Премиершип, па денеска даде гол вреден победа за да се запише втора победа во низа. Миовски асистираше за прв гол против Малта во триумфот со 2-1 пред четири дена.
„Среќен сум што добрата клупска форма ја префрлив и во националниот тим со асистенција со Малта и гол со Фарски Острови. Трите бода со Малта радуваат, тие мечеви се најтешки, затоа што тие селекции се бранат длабоко, а и домашниот терен ни прави проблем да играме брзо. Овој контролен дуел беше вистински тест за дебитантите и да се воиграме сите за она што ни следува во јуни за последни репрезентации. Одлично ги познавам новите играчи, ги примивме како што треба и имаме одлична хемија.
Само ако имаме минутажа во клубовите може да им парираме на следните ривали, затоа што во следните два меча ќе ни биде потребна голема физичка подготвеност. Интензитетот ќе биде огромен на следните два дуели, ама ако играме во клубовите на ниво и да го префрлиме тоа во репрезентацијата, може да парираме со добра тимска игра“, рече Миовски
